சங்கீதம் 85 Psalms 85 in Tamil and Tanglish

கர்த்தாவே, உமது தேசத்தின்மேல் பிரியம் வைத்து, யாக்கோபின் சிறையிருப்பைத் திருப்பினீர்.

karthaavae, umadhu thesathinmel piriyam vaithu, yaakkobin siraiyiruppaith thiruppineer.

உமது ஜனத்தின் அக்கிரமத்தை மன்னித்து, அவர்கள் பாவத்தையெல்லாம் மூடினீர்.(சேலா.)

umadhu janathin akkiramathai mannithu, avargal paavathaiyellaam moodineer.(selaa.)

உமது உக்கிரத்தையெல்லாம் அடக்கிக்கொண்டு, உமது கோபத்தின் எரிச்சலைவிட்டுத் திரும்பினீர்.

umadhu ukkirathaiyellaam adakkikkondu, umadhu kobathin erichalaivittuth thirumbineer.

எங்கள் இரட்சிப்பின் தேவனே, நீர் எங்களைத் திருப்பிக்கொண்டுவாரும், எங்கள்மேலுள்ள உமது கோபத்தை ஆறப்பண்ணும்.

engal iratsippin thevanae, neer engalaith thiruppikkonduvaarum, engalmelulla umadhu kobathai aarappannum.

என்றைக்கும் எங்கள்மேல் கோபமாயிருப்பீரோ? தலைமுறை தலைமுறையாக உமது கோபத்தை நீடித்திருக்கப்பண்ணுவீரோ?

endraikkum engalmel kobamaayiruppeero? thalaimurai thalaimuraiyaaga umadhu kobathai needithirukkappannuveero?

உமது ஜனங்கள் உம்மில் மகிழ்ந்திருக்கும்படி நீர் எங்களைத் திரும்ப உயிர்ப்பிக்கமாட்டீரோ?

umadhu janangal ummil magizhndhirukkumbadi neer engalaith thirumba uyirppikkamaatteero?

கர்த்தாவே, உமது கிருபையை எங்களுக்குக் காண்பித்து, உமது இரட்சிப்பை எங்களுக்கு அருளிச்செய்யும்.

karthaavae, umadhu kirubaiyai engalukkuk kaanbithu, umadhu iratsippai engalukku arulicheyyum.

கர்த்தராகிய தேவன் விளம்புவதைக் கேட்பேன்; அவர் தம்முடைய ஜனங்களுக்கும் தம்முடைய பரிசுத்தவான்களுக்கும் சமாதானம் கூறுவார்; அவர்களோ மதிகேட்டுக்குத் திரும்பாதிருப்பார்களாக.

kartharaagiya thevan vilambuvadhaik ketpen; avar thammudaiya janangalukkum thammudaiya parisuthavaangalukkum samaadhaanam kooruvaar; avargalo madhigettukkuth thirumbaadhiruppaargalaaga.

நம்முடைய தேசத்தில் மகிமை வாசமாயிருக்கும்படி, அவருடைய இரட்சிப்பு அவருக்குப் பயந்தவர்களுக்குச் சமீபமாயிருக்கிறது.

nammudaiya thesathil magimai vaasamaayirukkumbadi, avarudaiya iratsippu avarukkup payandhavargalukkuch sameebamaayirukkiradhu.

கிருபையும் சத்தியமும் ஒன்றயொன்று சந்திக்கும், நீதியும் சமாதானமும் ஒன்றையொன்று முத்தஞ்செய்யும்.

kirubaiyum sathiyamum ondrayondru sandhikkum, needhiyum samaadhaanamum ondraiyondru muthanjeyyum.

சத்தியம் பூமியிலிருந்து முளைக்கும், நீதி வானத்திலிருந்து தாழப்பார்க்கும்.

sathiyam poomiyilirundhu mulaikkum, needhi vaanathilirundhu thaazhappaarkkum.

கர்த்தர் நன்மையானதைத் தருவார்; நம்முடைய தேசமும் தன் பலனைக் கொடுக்கும்.

karthar nanmaiyaanadhaith tharuvaar; nammudaiya thesamum than palanaik kodukkum.

நீதி அவருக்கு முன்னாகச் சென்று, அவருடைய அடிச்சுவடுகளின் வழியிலே நம்மை நிறுத்தும்.

needhi avarukku munnaagach sendru, avarudaiya adichuvadugalin vazhiyilae nammai niruthum.