1 Samuel 12 · 25 verses
அப்பொழுது சாமுவேல் இஸ்ரவேலர் அனைவரையும் நோக்கி: இதோ, நீங்கள் எனக்குச் சொன்னபடியெல்லாம் உங்கள் சொற்கேட்டு உங்களுக்கு ஒரு ராஜாவை ஏற்படுத்தினேன்.
appozhudhu saamuvel isravelar anaivaraiyum nokki: idho, neengal enakkuch sonnabadiyellaam ungal sorkettu ungalukku oru raajaavai erpaduthinen.
இப்போதும் இதோ, ராஜாவானவர் உங்களுக்கு முன்பாகச் சஞ்சரித்துவருகிறார்; நானோ கிழவனும் நரைத்தவனுமானேன்; என் குமாரர் உங்களோடிருப்பார்கள்; நான் என் சிறுவயதுமுதல் இந்நாள்வரைக்கும் உங்களுக்கு முன்பாகச் சஞ்சரித்துவந்தேன்.
ippodhum idho, raajaavaanavar ungalukku munbaagach sanjarithuvarugiraar; naano kizhavanum naraithavanumaanen; en kumaarar ungalodiruppaargal; naan en siruvayadhumudhal innaalvaraikkum ungalukku munbaagach sanjarithuvandhen.
இதோ, இருக்கிறேன்; கர்த்தரின் சந்நிதியிலும் அவர் அபிஷேகம்பண்ணி வைத்தவருக்கு முன்பாகவும் என்னைக்குறித்துச் சாட்சி சொல்லுங்கள்; நான் யாருடைய எருதை எடுத்துக்கொண்டேன்? யாருடைய கழுதையை எடுத்துக்கொண்டேன்? யாருக்கு அநியாயஞ்செய்தேன்? யாருக்கு இடுக்கண்செய்தேன்? யார் கையில் பரிதானம் வாங்கிக்கொண்டு கண்சாடையாயிருந்தேன்? சொல்லுங்கள்; அப்படியுண்டானால் அதை உங்களுக்குத் திரும்பக் கொடுப்பேன் என்றான்.
idho, irukkiren; kartharin sannidhiyilum avar abishegambanni vaithavarukku munbaagavum ennaikkurithuch saatsi sollungal; naan yaarudaiya erudhai eduthukkonden? yaarudaiya kazhudhaiyai eduthukkonden? yaarukku aniyaayanjeydhen? yaarukku idukkanseydhen? yaar kaiyil paridhaanam vaangikkondu kansaadaiyaayirundhen? sollungal; appadiyundaanaal adhai ungalukkuth thirumbak koduppen endraan.
அதற்கு அவர்கள்: நீர் எங்களுக்கு அநியாயம் செய்யவும் இல்லை; எங்களுக்கு இடுக்கண் செய்யவும் இல்லை; ஒருவர் கையிலும் ஒன்றும் வாங்கவும் இல்லை என்றார்கள்.
adharku avargal: neer engalukku aniyaayam seyyavum illai; engalukku idukkan seyyavum illai; oruvar kaiyilum ondrum vaangavum illai endraargal.
அதற்கு அவன்: நீங்கள் என் கையில் ஒன்றும் கண்டுபிடிக்கவில்லை என்பதற்குக் கர்த்தர் உங்களுக்கு எதிராகச் சாட்சியாயிருக்கிறார், அவர் அபிஷேகம் பண்ணினவரும் இன்று அதற்குச் சாட்சி என்றான்; அதற்கு அவர்கள்: அவர் சாட்சி தான் என்றார்கள்.
adharku avan: neengal en kaiyil ondrum kandubidikkavillai enbadharkuk karthar ungalukku edhiraagach saatsiyaayirukkiraar, avar abishegam panninavarum indru adharkuch saatsi endraan; adharku avargal: avar saatsi thaan endraargal.
அப்புறம் சாமுவேல் ஜனங்களை நோக்கி: மோசேயையும் ஆரோனையும் ஏற்படுத்தினவரும், உங்கள் பிதாக்களை எகிப்துதேசத்திலிருந்து புறப்படப்பண்ணினவரும் கர்த்தரே.
appuram saamuvel janangalai nokki: moseyaiyum aaronaiyum erpaduthinavarum, ungal pidhaakkalai egipthudhesathilirundhu purappadappanninavarum kartharae.
இப்போதும் கர்த்தர் உங்களுக்கும் உங்கள் பிதாக்களுக்கும் செய்துவந்த எல்லா நீதியான கிரியைகளைக்குறித்தும், நான் கர்த்தருடைய சந்நிதியில் உங்களோடே நியாயம் பேசும்படிக்கு நீங்கள் நில்லுங்கள்.
ippodhum karthar ungalukkum ungal pidhaakkalukkum seydhuvandha ellaa needhiyaana kiriyaigalaikkurithum, naan kartharudaiya sannidhiyil ungalodae niyaayam pesumbadikku neengal nillungal.
யாக்கோபு எகிப்திலே போயிருக்கும்போது, உங்கள் பிதாக்கள் கர்த்தரை நோக்கி முறையிட்டார்கள், அப்பொழுது கர்த்தர் மோசேயையும் ஆரோனையும் அனுப்பினார்; அவர்கள் உங்கள் பிதாக்களை எகிப்திலிருந்து அழைத்துவந்து, அவர்களை இந்த ஸ்தலத்திலே குடியிருக்கப்பண்ணினார்கள்.
yaakkobu egipthilae poyirukkumbodhu, ungal pidhaakkal kartharai nokki muraiyittaargal, appozhudhu karthar moseyaiyum aaronaiyum anuppinaar; avargal ungal pidhaakkalai egipthilirundhu azhaithuvandhu, avargalai indha sthalathilae kudiyirukkappanninaargal.
அவர்கள் தங்கள் தேவனாகிய கர்த்தரை மறந்துபோகிறபோது, அவர் அவர்களை ஆத்சோரின் சேனாபதியாகிய சிசெராவின் கையிலும், பெலிஸ்தரின் கையிலும், மோவாபிய ராஜாவின் கையிலும் விற்றுப்போட்டார்; இவர்கள் அவர்களுக்கு விரோதமாக யுத்தம் பண்ணினார்கள்.
avargal thangal thevanaagiya kartharai marandhubogirabodhu, avar avargalai aathsorin senaabadhiyaagiya siseraavin kaiyilum, pelistharin kaiyilum, movaabiya raajaavin kaiyilum vitruppottaar; ivargal avargalukku virodhamaaga yutham panninaargal.
ஆகையால் அவர்கள் கர்த்தரை நோக்கி முறையிட்டு: நாங்கள் கர்த்தரை விட்டுப் பாகால்களையும் அஸ்தரோத்தையும் சேவித்ததினாலே, பாவஞ்செய்தோம்; இப்பொழுது எங்கள் சத்துருக்களின் கைக்கு எங்களை நீங்கலாக்கி ரட்சியும்; இனி உம்மைச் சேவிப்போம் என்றார்கள்.
aagaiyaal avargal kartharai nokki muraiyittu: naangal kartharai vittup paagaalgalaiyum astharothaiyum sevithadhinaalae, paavanjeydhom; ippozhudhu engal sathurukkalin kaikku engalai neengalaakki ratsiyum; ini ummaich sevippom endraargal.
அப்பொழுது கர்த்தர் எருபாகாலையும் பேதானையும் யெப்தாவையும் சாமுவேலையும் அனுப்பி, நீங்கள் பயமில்லாமல் குடியிருக்கும்படிக்குச் சுற்றிலும் இருந்த உங்கள் சத்துருக்களின் கைக்கும் உங்களை நீங்கலாக்கி ரட்சித்தார்.
appozhudhu karthar erubaagaalaiyum pedhaanaiyum yepthaavaiyum saamuvelaiyum anuppi, neengal payamillaamal kudiyirukkumbadikkuch sutrilum irundha ungal sathurukkalin kaikkum ungalai neengalaakki ratsithaar.
அம்மோன் புத்திரரின் ராஜாவாகிய நாகாஸ் உங்களுக்கு விரோதமாய் வருகிறதை நீங்கள் கண்டபோது, உங்கள் தேவனாகிய கர்த்தரே உங்களுக்கு ராஜாவாயிருந்தும், நீங்கள் என்னை நோக்கி: அப்படியல்ல, ஒரு ராஜா எங்கள்மேல் ஆளவேண்டும் என்றீர்கள்.
ammon puthirarin raajaavaagiya naagaas ungalukku virodhamaay varugiradhai neengal kandabodhu, ungal thevanaagiya kartharae ungalukku raajaavaayirundhum, neengal ennai nokki: appadiyalla, oru raajaa engalmel aalavendum endreergal.
இப்போதும் நீங்கள் வேண்டும் என்று விரும்பித் தெரிந்துகொண்ட ராஜா, இதோ, இருக்கிறார்; இதோ, கர்த்தர் உங்களுக்கு ஒரு ராஜாவை ஏற்படுத்தினார்.
ippodhum neengal vendum endru virumbith therindhugonda raajaa, idho, irukkiraar; idho, karthar ungalukku oru raajaavai erpaduthinaar.
நீங்கள் கர்த்தருடைய வாக்குக்கு விரோதமாய்க் கலகம்பண்ணாமல் கர்த்தருக்குப் பயந்து, அவரைச் சேவித்து, அவருடைய சத்தத்திற்குக் கீழ்ப்படிந்தால், நீங்களும் உங்களை ஆளுகிற ராஜாவும் உங்கள் தேவனாகிய கர்த்தரைப் பின்பற்றுகிறவர்களாயிருப்பீர்கள்.
neengal kartharudaiya vaakkukku virodhamaayk kalagambannaamal kartharukkup payandhu, avaraich sevithu, avarudaiya sathathirkuk keezhppadindhaal, neengalum ungalai aalugira raajaavum ungal thevanaagiya kartharaip pinbatrugiravargalaayiruppeergal.
நீங்கள் கர்த்தருடைய சத்தத்திற்குக் கீழ்ப்படியாமல், கர்த்தருடைய வாக்குக்கு விரோதமாய்க் கலகம்பண்ணினீர்களானால், கர்த்தருடைய கை உங்கள் பிதாக்களுக்கு விரோதமாயிருந்தது போல உங்களுக்கும் விரோதமாயிருக்கும்.
neengal kartharudaiya sathathirkuk keezhppadiyaamal, kartharudaiya vaakkukku virodhamaayk kalagambannineergalaanaal, kartharudaiya kai ungal pidhaakkalukku virodhamaayirundhadhu pola ungalukkum virodhamaayirukkum.
இப்பொழுது கர்த்தர் உங்கள் கண்களுக்கு முன்பாகச் செய்யும் பெரிய காரியத்தை நின்று பாருங்கள்.
ippozhudhu karthar ungal kangalukku munbaagach seyyum periya kaariyathai nindru paarungal.
இன்று கோதுமை அறுப்பின் நாள் அல்லவா? நீங்கள் உங்களுக்கு ஒரு ராஜாவைக் கேட்டதினால், கர்த்தரின் பார்வைக்குச் செய்த உங்களுடைய பொல்லாப்புப் பெரியதென்று நீங்கள் கண்டு உணரும் படிக்கு, நான் கர்த்தரை நோக்கி விண்ணப்பம்பண்ணுவேன்; அப்பொழுது இடி முழக்கங்களையும் மழையையும் கட்டளையிடுவார் என்று சொல்லி,
indru kodhumai aruppin naal allavaa? neengal ungalukku oru raajaavaik kettadhinaal, kartharin paarvaikkuch seydha ungaludaiya pollaappup periyadhendru neengal kandu unarum padikku, naan kartharai nokki vinnappambannuven; appozhudhu idi muzhakkangalaiyum mazhaiyaiyum kattalaiyiduvaar endru solli,
சாமுவேல் கர்த்தரை நோக்கி விண்ணப்பம்பண்ணினான்; அன்றையதினமே கர்த்தர் இடிமுழக்கங்களையும் மழையையும் கட்டளையிட்டார்; அப்பொழுது ஜனங்கள் எல்லாரும் கர்த்தருக்கும் சாமுவேலுக்கும் மிகவும் பயந்து;
saamuvel kartharai nokki vinnappambanninaan; andraiyadhinamae karthar idimuzhakkangalaiyum mazhaiyaiyum kattalaiyittaar; appozhudhu janangal ellaarum kartharukkum saamuvelukkum migavum payandhu;
சாமுவேலைப் பார்த்து: நாங்கள் சாகாதபடிக்கு உம்முடைய தேவனாகிய கர்த்தரிடத்தில் உம்முடைய அடியாருக்காக விண்ணப்பம் செய்யும்; நாங்கள் செய்த எல்லாப் பாவங்களோடும் எங்களுக்கு ஒரு ராஜா வேண்டும் என்று கேட்ட இந்தப் பாவத்தையும் கூட்டிக்கொண்டோம் என்று ஜனங்கள் எல்லாரும் சொன்னார்கள்.
saamuvelaip paarthu: naangal saagaadhabadikku ummudaiya thevanaagiya kartharidathil ummudaiya adiyaarukkaaga vinnappam seyyum; naangal seydha ellaap paavangalodum engalukku oru raajaa vendum endru ketta indhap paavathaiyum koottikkondom endru janangal ellaarum sonnaargal.
அப்பொழுது சாமுவேல் ஜனங்களை நோக்கி: பயப்படாதேயுங்கள்; நீங்கள் இந்தப் பொல்லாப்பையெல்லாம் செய்தீர்கள்; ஆகிலும் கர்த்தரை விட்டுப் பின்வாங்காமல் கர்த்தரை உங்கள் முழுஇருதயத்தோடும் சேவியுங்கள்.
appozhudhu saamuvel janangalai nokki: payappadaadheyungal; neengal indhap pollaappaiyellaam seydheergal; aagilum kartharai vittup pinvaangaamal kartharai ungal muzhuirudhayathodum seviyungal.
விலகிப்போகாதிருங்கள்; மற்றப்படி பிரயோஜனமற்றதும் ரட்சிக்கமாட்டாததுமாயிருக்கிற வீணானவைகளைப் பின்பற்றுவீர்கள்; அவைகள் வீணானவைகளே.
vilagippogaadhirungal; matrappadi pirayojanamatradhum ratsikkamaattaadhadhumaayirukkira veenaanavaigalaip pinbatruveergal; avaigal veenaanavaigalae.
கர்த்தர் உங்களைத் தமக்கு ஜனமாக்கிக்கொள்ளப் பிரியமானபடியினால், கர்த்தர் தம்முடைய மகத்துவமான நாமத்தினிமித்தம் தமது ஜனத்தைக் கைவிடமாட்டார்.
karthar ungalaith thamakku janamaakkikkollap piriyamaanabadiyinaal, karthar thammudaiya magathuvamaana naamathinimitham thamadhu janathaik kaividamaattaar.
நானும் உங்களுக்காக விண்ணப்பம் செய்யாதிருப்பேனாகில் கர்த்தருக்கு விரோதமாகப் பாவஞ்செய்கிறவனாயிருப்பேன்; அது எனக்குத் தூரமாயிருப்பதாக; நன்மையும் செவ்வையுமான வழியை நான் உங்களுக்குப் போதிப்பேன்.
naanum ungalukkaaga vinnappam seyyaadhiruppenaagil kartharukku virodhamaagap paavanjeygiravanaayiruppen; adhu enakkuth thooramaayiruppadhaaga; nanmaiyum sevvaiyumaana vazhiyai naan ungalukkup podhippen.
நீங்கள் எப்படியும் கர்த்தருக்குப் பயந்து, உங்கள் முழுஇருதயத்தோடும் உண்மையாய் அவரைச் சேவிக்கக்கடவீர்கள்; அவர் உங்களிடத்தில் எவ்வளவு மகிமையான காரியங்களைச் செய்தார் என்பதைச் சிந்தித்துப்பாருங்கள்.
neengal eppadiyum kartharukkup payandhu, ungal muzhuirudhayathodum unmaiyaay avaraich sevikkakkadaveergal; avar ungalidathil evvalavu magimaiyaana kaariyangalaich seydhaar enbadhaich sindhithuppaarungal.
நீங்கள் இன்னும் பொல்லாப்பைச் செய்யவே செய்வீர்களானால், நீங்களும் உங்கள் ராஜாவும் நாசமடைவீர்கள் என்றான்.
neengal innum pollaappaich seyyavae seyveergalaanaal, neengalum ungal raajaavum naasamadaiveergal endraan.
